نئی دہلی: ایئرٹیل کے چیئرمین اور منیجنگ ڈائریکٹر سنیل بھارتی متل نے کہا ہے کہ وہ اگلے 10 برس کے دوران کمپنی کی قیادت نئی نسل کے حوالے کرنے کا ارادہ رکھتے ہیں۔ کمپنی کی کانفرنس کال کے دوران انہوں نے کہا کہ وہ آئندہ دہائی میں ایئرٹیل کی ذمہ داری نئی قیادت کو منتقل کرنا چاہتے ہیں۔
بدھ کو کمپنی نے سنیل بھارتی متل کو یکم اکتوبر 2026 سے آئندہ پانچ برس کے لیے دوبارہ چیئرمین مقرر کرنے کی منظوری دی۔ اسی کے ساتھ بورڈ نے نسابا گودریج کو بھی دوسری مرتبہ پانچ سال کے لیے آزاد ڈائریکٹر کے طور پر دوبارہ مقرر کرنے کی منظوری دی ہے۔ ان کی نئی مدت کار چار اگست سے نافذ ہوگی۔
