لاہور: بنگلادیش کے خلاف ٹیسٹ سیریز میں وائٹ واش شکست کے بعد قومی ٹیم کے ہیڈ کوچ سرفراز احمد نے کھلاڑیوں پر سخت برہمی کا اظہار کیا ہے۔ ذرائع کے مطابق سرفراز احمد ڈانٹ کے دوران کھلاڑیوں کو واضح پیغام دیا گیا کہ انفرادی کارکردگی کے بجائے ٹیم کی بہتری کو ترجیح دیں۔
ذرائع کے مطابق ہیڈ کوچ نے ڈریسنگ روم میں گفتگو کرتے ہوئے کہا کہ کھلاڑی صرف اپنے لیے نہیں بلکہ پوری ٹیم کے لیے کھیلیں۔ انہوں نے کہا کہ انفرادی اسکور یا کارکردگی کافی نہیں، اصل کامیابی ٹیم ورک سے حاصل ہوتی ہے۔
اطلاعات کے مطابق سرفراز احمد نے سینئر کھلاڑیوں کی کارکردگی اور رویے پر بھی ناراضی کا اظہار کیا اور کہا کہ ذمہ داری کا احساس ہونا ضروری ہے، خاص طور پر اہم میچز میں ٹیم کو مضبوط بنانے کے لیے ہر کھلاڑی کو کردار ادا کرنا چاہیے۔
ذرائع کا یہ بھی کہنا ہے کہ ہیڈ کوچ نے کپتان کی حکمت عملی پر بھی سوالات اٹھائے اور بعض فیصلوں پر عدم اطمینان ظاہر کیا۔ تاہم کپتان کی جانب سے اس موقع پر کوئی ردعمل سامنے نہیں آیا۔
واضح رہے کہ بنگلادیش نے حالیہ دو ٹیسٹ میچوں کی سیریز میں پاکستان کو کلین سوئپ شکست دی، جس کے بعد ٹیم مینجمنٹ اور کھلاڑیوں پر شدید دباؤ بڑھ گیا ہے۔
کرکٹ ماہرین کے مطابق اس طرح کی شکست کے بعد ٹیم میں اصلاحات اور کھلاڑیوں کے رویے میں بہتری ناگزیر ہو چکی ہے تاکہ مستقبل میں بہتر نتائج حاصل کیے جا سکیں۔
