World
آسام کے وزیر اعلیٰ ہیمنت بسوا سرما نے گورنر لکشمن پرساد کو سونپا استعفیٰ، نئی حکومت تشکیل دینے کی سرگرمیاں شروع
’آسام اسمبلی انتخابات 2026‘ کے نتائج جاری ہونے کے بعد ریاست میں نئی حکومت کی تشکیل کا عمل شروع ہو گیا ہے۔ اسی سلسلے میں وزیر اعلیٰ ہیمنت بسوا سرما نے آج اپنی وزارتی کونسل کے ساتھ عہدے سے استعفیٰ دے دیا۔ وزیر اعلیٰ دفتر کی جانب سے جاری بیان کے مطابق ہیمنت بسوا سرما لوک بھون (گورنر ہاؤس) پہنچے اور انہوں نے گورنر لکشمن پرساد آچاریہ کو اپنا اور اپنی وزارتی کونسل کا استعفیٰ پیش کیا۔ گورنر نے استعفیٰ قبول کر لیا ہے، تاہم نئی حکومت کی تشکیل اور حلف برداری تک ہیمنت بسوا سرما سے بطور کارگزار وزیر اعلیٰ ذمہ داریاں نبھانے کی درخواست کی گئی ہے۔
