پنجاب بھر کے اسکولوں میں موسم گرما کی چھٹیوں کے حوالے سے صوبائی حکومت کا مؤقف سامنے آیا ہے۔
صوبائی وزیر تعلیم رانا سکندر حیات نے اپنے بیان میں کہا کہ پنجاب کے اسکولوں میں موسم گرما کی تعطیلات سے متعلق تاحال کوئی فیصلہ نہیں ہو سکا، چھٹیوں سے متعلق تین سے چار تجاویز پر غور جاری ہے۔
رانا سکندر حیات نے مزید بتایا کہ اسکولوں میں موسم گرما کی چھٹیوں سے متعلق حتمی فیصلہ آئندہ چند روز میں کر لیا جائے گا۔
واضح رہے کہ اپریل میں صوبائی وزیر تعلیم نے تعلیمی اداروں میں موسم گرما کی تعطیلات 2026 کے حوالے سے اہم تفصیلات شیئر کی تھیں۔
رانا سکندر حیات نے چھٹیوں کے بارے میں جاری قیاس آرائیوں کو ختم کرتے ہوئے واضح کیا تھا کہ حتمی فیصلہ مئی کے بعد کیا جائے گا۔
ساتھ ہی انہوں نے انکشاف کیا تھا کہ صوبائی حکومت اس سال تعلیمی نقصانات کو پورا کرنے کیلیے موسم گرما کی چھٹیوں میں 15 سے 20 دن کی کمی کرنے پر غور کر رہی ہے۔
’حکومت تعلیمی سال میں تدریسی ایام کی تعداد کو 180 سے بڑھا کر 190 دن تک لانا چاہتی ہے تاکہ سلیبس کی بروقت تکمیل کو یقینی بنایا جا سکے اور صرف موسم گرما ہی نہیں بلکہ سردیوں کی چھٹیوں میں بھی 5 سے 6 دن کی کمی کی تجویز زیرِ غور ہے۔‘
تازہ ترین خبروں کے لیے پی این آئی کا فیس بک پیج فالو کریں
