پنجاب کنگز کی لگاتار تیسری شکست، سن رائزرز حیدرآباد پلے آف کے قریب

سن رائزرز حیدرآباد نے پنجاب کنگز کو 33 رنز سے شکست دے دی۔ آئی پی ایل 2026 سیزن میں یہ پنجاب کی مسلسل تیسری شکست ہے۔ یہ وہی ٹیم ہے جو پچھلے سات میچوں میں ایک بھی میچ نہیں ہاری تھی۔ کوپر کونولی نے آخر تک مقابلہ کیا لیکن ان کی 107 رنز کی سنچری پنجاب کو فتح دلانے میں ناکام رہی۔

حیدرآباد کے راجیو گاندھی انٹرنیشنل اسٹیڈیم میں کھیلے گئے اس میچ  میں سن رائزر ز  حیدرآباد یعنی ایس آر ایچ نے پہلے بیٹنگ کرتے ہوئے 235 رنز بنائے۔ ایشان کشن اور ہینرک کلاسن نے مضبوط نصف سنچریاں اسکور کیں لیکن انہیں کئی لائف  بھی دی گئیں۔ حیدرآباد کے اس شاندار  اسکور میں پنجاب کی ناقص فیلڈنگ کا بھی بڑا کردار رہا۔

236 کے بڑے ہدف کے تعاقب میں، پنجاب کنگز کی شروعات خراب رہی، اس نے اپنے دونوں اوپنرز کو 4 کے اسکور پر کھو دیا۔ اگرچہ کوپر نے پنجاب کو فتح تک نہ پہنچایا ہو، اگر وہ سنچری نہ بناتا تو پنجاب کا نیٹ رن ریٹ گر جاتا۔ کپتان شریاس آئر بھی ناکام رہے، صرف 5 رنز بنا سکے۔ مارکس سٹوئنس نے 28 اور سوریانش شیڈگے نے 25 رنز بنائے لیکن کوئی اور بلے باز کونولی کا ساتھ نہ دے سکا۔

یہ پنجاب کنگز کی سیزن میں مسلسل تیسری شکست ہے۔ وہ کافی عرصے سے ٹیبل پر سرفہرست تھے لیکن اب سن رائزرس حیدرآباد نے ٹاپ پوزیشن سنبھال لی ہے۔ دوسری طرف حیدرآباد 14 پوائنٹس کے ساتھ پلے آف کے قریب پہنچ گیا ہے۔ ایس آر ایچ کے تین میچ باقی ہیں، ایک جیت کے بعد اس کی پلے آف میں جگہ تقریباً یقینی ہو جائے گی۔