یروشلم (انٹرنیشنل ڈیسک) اسرائیلی وزیراعظم نیتن یاہو امریکا اور ایران کے درمیان جاری مذاکرات کی تازہ ترین صورتحال کو سمجھنے کے لیے امریکی حکام سے مسلسل رابطے میں ہیں جب کہ ان مذاکرات میں ممکنہ پیش رفت نے تل ابیب میں شدید تشویش کا اظہار کیا ہے۔ اسرائیلی قیادت کو خدشہ ہے کہ حتمی معاہدے کی صورت میں امریکہ اورایران کو اہم رعایتیں د ینےخطے میں طاقت کا توازن متاثر ہو سکتا ہے۔
امریکی نشریاتی ادارے سی این این کے مطابق اسرائیلی وزیراعظم نیتن یاہو نے بدھ کو امریکی انتظامیہ کے اہلکاروں سے بات چیت کی تاکہ امریکا اور ایران کے درمیان جاری مذاکرات میں تازہ ترین پیش رفت کو بہتر طور پر سمجھا جاسکے۔
سی این این کے مطابق ایک اسرائیلی ذریعے نے بتایا کہ ان رابطوں کا مقصد یہ جاننا ہے کہ اس وقت مذاکرات میں کن نکات پر بات ہو رہی ہے اور کون سی تجاویز زیر غور ہیں۔
ذرائع کے مطابق اسرائیل کو خدشہ ہے کہ امریکہ معاہدے کو حتمی شکل دینے کے لیے آخری مرحلے میں ایران کو کچھ اہم رعایتیں دے سکتا ہے۔ خاص طور پر اقتصادی پابندیوں میں نرمی کا امکان اسرائیلی خدشات کو بڑھا رہا ہے۔
ایک امریکی اہلکار کا کہنا ہے کہ نیتن یاہو مذاکرات کی پیشرفت سے باخبر رہنے کے لیے امریکی حکام سے مسلسل رابطے میں ہیں۔ اسرائیل نے یہ بھی کہا ہے کہ امریکہ نے اسے کسی غیر متوقع صورتحال سے بے نقاب نہیں کیا۔
ایک اور اسرائیلی اہلکار نے بتایا کہ نیتن یاہو امریکی صدر ڈونلڈ ٹرمپ کے ساتھ مسلسل رابطے میں ہیں اور ان بات چیت میں واضح کیا گیا ہے کہ صدر ٹرمپ اپنی بنیادی شرائط پر قائم ہیں جن میں سب سے اہم ایران کے جوہری مواد کا خاتمہ ہے۔
امریکی نشریاتی ادارے کے مطابق اسرائیل کو اس بات پر بھی تشویش ہے کہ کسی بھی ممکنہ معاہدے میں ایران کے میزائل پروگرام اور اس کے علاقائی اتحادی نیٹ ورک پر سخت پابندیاں برقرار رہیں اور اسرائیلی فوج کو خطے میں خطرات کے خلاف کارروائی کرنے کی آزادی بھی حاصل ہو گی۔
واضح رہے کہ امریکی صدر ڈونلڈ ٹرمپ نے عندیہ دیا تھا کہ اگر ایران معاہدے کو تسلیم کرتا ہے تو جنگ ختم ہو جائے گی اور آبنائے ہرمز کو سب کے لیے کھول دیا جائے گا۔ تاہم انہوں نے خبردار کیا کہ اگر ایران نے انکار کیا تو اسے سخت حملوں کا سامنا کرنا پڑے گا۔
بعد ازاں ایرانی وزارت خارجہ کے ترجمان اسماعیل باغی نے ایک بیان میں کہا کہ تہران دو ماہ سے زائد پرانی جنگ کے خاتمے کے لیے امریکی تجاویز کا جائزہ لے رہا ہے۔ وزارت خارجہ کے ترجمان نے کہا کہ ان تجاویز پر غور کرنے کے بعد ایران ثالث ملک پاکستان کو اپنی رائے سے آگاہ کرے گا۔
مزید پڑھیں:الیکٹرک بائیکس سبسڈی فیز ٹو شروع،نئی تفصیلات جاری
