پاکستان سپر لیگ (پی ایس ایل) 11 کے فائنل میں حیدرآباد کنگز نے اتوار کو پشاور زلمی کو جیت کے لیے 130 رنز کا ہدف دیا ہے۔
قذافی سٹیڈیم میں کھیلے جا رہے میچ میں پشاور زلمی نے ٹاس جیت کر حیدرآباد کنگز مین کو پہلے بیٹنگ کی دعوت دی تھی۔
حیدرآباد کے بلے بازوں نے اننگز کا اچھا آغاز کیا لیکن پاور پلے اور اس کے بعد مسلسل گرنے والی وکٹوں کی وجہ سے وہ بورڈ پر بڑا سکور لگانے میں ناکام رہے اور پوری ٹیم 18ویں اوور میں 129 رنز بنا کر آؤٹ ہو گئی۔
کنگزمین کی جانب سے صائم ایوب نے سب سے زیادہ 54 رنز بنائے جب کہ ان کے علاؤہ دوسرا کوئی بھی بلے باز 20 سے زیادہ زنز بنانے میں کامیاب نہیں ہوا۔
پشاور زلمی نے میچ میں اچھی بولنگ اور فیلڈنگ کا مظاہرہ کیا اور کئی اچھے کیچ پکڑے اور بلے بازوں کو رن آؤٹ کیا۔
زلمی کی جانب سے ایرون ہارڈی نے چار، ناہید رانا نے دو اور سفیان مقیم اور محمد باسط نے ایک ایک وکٹ حاصل کی۔
فائنل کے لیے پہلے ہی تمام ٹکٹس بک گئیں تھیں اور پورا سٹیڈیم تماشائیوں سے بھر ہوا ہے جہاں میچ سے پہلے رنگا رنگ تقریب کا انعقاد کیا گیا جس میں گلوکاروں اور دیگر آرٹس نے اپنے فن کا مظاہرہ کیا۔
اس سیکشن میں متعلقہ حوالہ پوائنٹس شامل ہیں (Related Nodes field)
دوسرے ایلیمینیٹر میں حیدرآباد کنگز مین نے جمعے کو اسلام آباد یونائیٹڈ کو سنسنی خیز مقابلے کے بعد دو رنز سے شکست دے کر فائنل میں جگہ بنائی تھی۔
اس سے قبل پہلے ایلیمنیٹر میں حیدرآباد کنگزمین نے ملتان سلطانز کو آٹھ وکٹوں سے شسکت دی تھی جب کہ کوالیفائر میں اسلام آباد یونائیٹڈ کو پشاور زلمی کے ہاتھوں ناکامی کاسامنا کرنا پڑا تھا اور زلمی نے فائنل کا براہ راست رسائی حاصل کر لی تھی۔
