نئی دہلی: سپریم کورٹ میں ایک درخواست دائر کی گئی ہے، جس میں دہلی کی تمام عدالتوں میں مقدمات کی سماعت صرف ویڈیو کانفرنسنگ کے ذریعے کرانے کا مطالبہ کیا گیا ہے۔ درخواست گزار کی جانب سے پیش وکیل نے چیف جسٹس کی سربراہی والی بنچ کے سامنے معاملہ اٹھاتے ہوئے جلد سماعت کی اپیل کی۔
سماعت کے دوران چیف جسٹس نے کہا کہ وہ پہلے ہی ملک کی تمام ہائی کورٹوں کے چیف جسٹس صاحبان سے ویڈیو کانفرنسنگ کے ذریعے سماعت کے عمل کو فروغ دینے کی گزارش کر چکے ہیں۔ ان کے مطابق بیشتر ہائی کورٹیں پہلے سے اس سہولت کا استعمال کر رہی ہیں اور عدالتی کارروائی میں ٹیکنالوجی کے استعمال کو بڑھایا جا رہا ہے۔
